Գաղտնիության քաղաքականություն

1. Ով է վարում Հարթակը

AI Academy կրթական հարթակը վարում է Սուրեն Ստեփանյան ԱՁ-ն։

Սույն քաղաքականությունը վերաբերում է academy.sourenstepanyan.com կայքին և դրա հետ կապված նույնականացման, ուսուցման, վկայականների ստուգման և այլ ծառայություններին։

Անձնական տվյալների մշակման հետ կապված հարցերով կարող եք գրել՝ privacy@academy.sourenstepanyan.com։

2. Ինչ տվյալներ ենք մշակում

Google օգտահաշվով մուտք գործելիս

Հարթակ մուտք գործելու և Ձեր հաշիվը նույնականացնելու համար Google-ից ստանում ենք միայն անհրաժեշտ հիմնական տվյալները՝

• Google օգտահաշվի նույնացուցիչը,
• էլեկտրոնային փոստի հասցեն,
• անունը,
• պրոֆիլի նկարը, եթե այն հասանելի է։

Մենք չենք ստանում և չենք պահպանում Ձեր Google գաղտնաբառը։

Մենք հասանելիություն չունենք Ձեր նամակներին, ֆայլերին, կոնտակտներին, օրացույցին կամ Google օգտահաշվի այլ բովանդակությանը։

Հարթակից օգտվելիս

Կարող ենք մշակել՝

• Հարթակի հաշվի և ցուցադրվող անվան տվյալները,
• ընտրված ուսումնական ուղու և առաջընթացի տվյալները,
• ավարտված դասերի և ձեռքբերումների վերաբերյալ տեղեկությունները,
• Ձեր կողմից պահպանված աշխատանքներն ու ուսումնական բովանդակությունը,
• վկայականների ստեղծման և վավերականության ստուգման համար անհրաժեշտ տվյալները,
• Հարթակի աշխատանքի և անվտանգության համար անհրաժեշտ տեխնիկական տվյալները։

Մենք մշակում ենք միայն այն տվյալները, որոնք անհրաժեշտ են սույն քաղաքականությունում նշված նպատակների համար։

3. Հրապարակային վկայականներ

Հարթակում ստեղծված վկայականի ստուգման էջը կարող է հասանելի լինել առանց Հարթակ մուտք գործելու։

Հրապարակային վկայականը կարող է պարունակել՝

• Ձեր ցուցադրվող անունը,
• ավարտված դասընթացի կամ ուսումնական ուղու անվանումը,
• ավարտման ամսաթիվը,
• վկայականի նույնացուցիչը,
• վկայականի վավերականության կարգավիճակը։

Վկայականի հրապարակումը չի դարձնում հրապարակային Ձեր էլեկտրոնային փոստը, Google օգտահաշվի նույնացուցիչը, պահպանված աշխատանքները կամ ուսումնական ամբողջ պատմությունը։

Վկայականը ապակտիվացնելու կամ դրա հրապարակային հասանելիությունը դադարեցնելու համար կարող եք գրել՝ privacy@academy.sourenstepanyan.com։

4. Ինչ նպատակներով ենք մշակում տվյալները

Անձնական տվյալներն օգտագործում ենք՝

• Ձեր ինքնությունը հաստատելու և հաշիվը հասանելի դարձնելու,
• ուսումնական առաջընթացը, աշխատանքները և ձեռքբերումները պահպանելու,
• դասերի հասանելիությունն ու առաջընթացը ստուգելու,
• վկայականներ ստեղծելու և դրանց վավերականությունը հաստատելու,
• Հարթակի բնականոն աշխատանքն ապահովելու,
• տեխնիկական խնդիրները հայտնաբերելու և վերացնելու,
• խարդախությունը, չարտոնված մուտքը և այլ չարաշահումները կանխելու,
• Հարթակի և օգտատերերի անվտանգությունն ապահովելու,
• Ձեր հարցումներին և դիմումներին պատասխանելու,
• կիրառելի իրավական պարտավորությունները կատարելու համար։

Google-ից կամ Հարթակից ստացված անձնական տվյալները չենք վաճառում, չենք օգտագործում գովազդային պրոֆիլ ստեղծելու և չենք փոխանցում երրորդ կողմերին նրանց գովազդային նպատակների համար։

5. Տվյալների մշակման իրավական հիմքերը

Անձնական տվյալները մշակում ենք՝

• Ձեր համաձայնության հիման վրա,
• Օգտագործման պայմաններով նախատեսված Ծառայությունը տրամադրելու համար,
• Ձեր կողմից պահանջված գործողությունները կատարելու համար,
• անվտանգության խախտումները, խարդախությունը և չարտոնված օգտագործումը կանխելու համար,
• օրենքով նախատեսված պարտավորությունները կատարելու համար։

Ձեր համաձայնությունը կարող եք հետ կանչել՝ գրելով privacy@academy.sourenstepanyan.com հասցեին։

Եթե համաձայնությունը հետ կանչվի Հարթակի հաշվի նույնականացման կամ Ծառայության մատուցման համար անհրաժեշտ տվյալների նկատմամբ, մենք կարող ենք այլևս չկարողանալ պահպանել Ձեր հաշիվը կամ տրամադրել համապատասխան գործառույթները։

6. Տվյալների փոխանցում և մշակում

Հարթակի աշխատանքն ապահովելու համար կարող ենք օգտվել նույնականացման, ամպային ենթակառուցվածքի, տվյալների պահպանման, հաղորդակցության և անվտանգության ծառայություններ մատուցող կազմակերպություններից։

Այդ կազմակերպությունները կարող են տվյալները մշակել միայն Հարթակի աշխատանքը, անվտանգությունը և հասանելիությունն ապահովելու նպատակով՝ կիրառելի օրենսդրության և համապատասխան պայմանագրերի շրջանակում։

Տվյալները կարող են մշակվել Հայաստանի Հանրապետությունից դուրս, այդ թվում՝ անձնական տվյալների պաշտպանության բավարար մակարդակ ապահովող պետություններում։

Արտասահմանյան փոխանցումները կատարվում են միայն Ծառայությունը մատուցելու համար անհրաժեշտ ծավալով և համապատասխան իրավական երաշխիքների պահպանմամբ։

Տվյալները կարող են տրամադրվել պետական մարմիններին կամ այլ իրավասու անձանց, եթե դա պահանջվում է օրենքով կամ իրավասու մարմնի պարտադիր որոշմամբ։

Մենք անձնական տվյալները չենք վաճառում և չենք փոխանցում երրորդ կողմերին նրանց սեփական գովազդային կամ առևտրային նպատակներով օգտագործելու համար։

7. Դիտարկիչի պահոց և cookies

Հարթակը կարող է օգտագործել դիտարկիչի տեղային պահոցը, session-ի ժամանակավոր տվյալներ և տեխնիկական cookies՝

• մուտքի գործընթացն ապահովելու,
• օգտատիրոջ session-ը պահպանելու,
• ուսումնական տեղային վիճակը հիշելու,
• անվտանգության և Հարթակի բնականոն աշխատանքն ապահովելու համար։

Այս պահին չենք օգտագործում՝

• գովազդային cookies,
• երրորդ կողմերի գովազդային tracking,
• տարբեր կայքերում Ձեր վարքագծին հետևող գովազդային տեխնոլոգիաներ։

Դիտարկիչի տվյալները մաքրելը կարող է հեռացնել տեղային կարգավորումները կամ պահպանված վիճակը, սակայն ինքնաբերաբար չի ջնջում Հարթակում ստեղծված հաշիվը կամ սերվերում պահպանված առաջընթացը։

8. Տվյալների պահպանման ժամկետները

Հաշվի և ուսուցման տվյալները պահվում են այնքան ժամանակ, որքան Ձեր հաշիվը գործում է և տվյալներն անհրաժեշտ են Ծառայությունը տրամադրելու համար։

Տեխնիկական և անվտանգության տվյալները սովորաբար պահվում են առավելագույնը վեց ամիս, եթե ավելի երկար պահպանումը անհրաժեշտ չէ անվտանգության միջադեպի քննության, խարդախության կանխման կամ օրենքով նախատեսված պարտավորության կատարման համար։

Հաշվի ջնջման հաստատված պահանջից հետո համապատասխան տվյալները հեռացվում են օրենքով նախատեսված ժամկետում, բացառությամբ այն սահմանափակ տվյալների, որոնք անհրաժեշտ է ժամանակավորապես պահպանել՝

• անվտանգության միջադեպի քննության,
• խարդախության կանխման,
• իրավական պահանջի պաշտպանության,
• օրենքով նախատեսված պարտավորության կատարման համար։

Ապանձնավորված կամ համախմբված տվյալները, որոնց միջոցով հնարավոր չէ նույնականացնել անձին, կարող են պահպանվել վիճակագրական և տեխնիկական վերլուծության նպատակներով։

9. Ձեր իրավունքները

ՀՀ օրենսդրությամբ նախատեսված դեպքերում Դուք կարող եք՝

• տեղեկանալ՝ արդյոք մշակում ենք Ձեր անձնական տվյալները,
• ծանոթանալ Ձեր վերաբերյալ մշակվող տվյալներին,
• ստանալ Ձեր տվյալների պատճենը,
• պահանջել ուղղել ոչ ճշգրիտ կամ հնացած տվյալները,
• պահանջել ժամանակավորապես սահմանափակել տվյալների մշակումը,
• հետ կանչել Ձեր համաձայնությունը,
• պահանջել դադարեցնել տվյալների մշակումը,
• պահանջել ջնջել տվյալները, եթե դրանց մշակման հիմքը կամ նպատակը վերացել է,
• պահանջել ապակտիվացնել հրապարակային վկայականը,
• բողոքարկել տվյալների մշակման հետ կապված մեր գործողությունները կամ անգործությունը։

Հարցումն ուղարկեք՝ privacy@academy.sourenstepanyan.com։

Այլ անձանց տվյալների չարտոնված բացահայտումը կանխելու համար կարող ենք խնդրել հաստատել հաշվի պատկանելությունը։

Հաշվի ջնջումը կարող է հանգեցնել ուսումնական առաջընթացի, պահպանված աշխատանքների, ձեռքբերումների և վկայականների հասանելիության կորստի։

Եթե կարծում եք, որ Ձեր անձնական տվյալները մշակվում են օրենքի խախտմամբ, կարող եք դիմել անձնական տվյալների պաշտպանության լիազոր մարմին կամ ՀՀ իրավասու դատարան։

10. Անչափահաս օգտատերեր

Մինչև 16 տարեկան անձը կարող է օգտագործել Հարթակը միայն ծնողի կամ այլ օրինական ներկայացուցչի համաձայնությամբ։

Մինչև 16 տարեկան անձի անձնական տվյալների մշակման համաձայնությունը տալիս է նրա օրինական ներկայացուցիչը։

Եթե պարզվի, որ անչափահասի տվյալները մշակվում են առանց անհրաժեշտ համաձայնության, կարող ենք սահմանափակել հաշվի հասանելիությունը և ձեռնարկել տվյալների մշակումը դադարեցնելու կամ տվյալները ջնջելու համար անհրաժեշտ գործողություններ։

11. Անվտանգություն

Անձնական տվյալների պաշտպանության համար կիրառում ենք համապատասխան տեխնիկական և կազմակերպչական միջոցներ՝ տվյալների չարտոնված հասանելիությունը, փոփոխումը, կորուստը կամ տարածումը կանխելու նպատակով։

Չնայած կիրառվող միջոցներին՝ ոչ մի առցանց ծառայություն չի կարող երաշխավորել բացարձակ անվտանգություն։

Հնարավոր խոցելիության կամ անվտանգության միջադեպի մասին պատասխանատու կերպով տեղեկացնելու համար գրեք՝ security@academy.sourenstepanyan.com։

Անձնական տվյալների արտահոսքի կամ անվտանգության խախտման դեպքում կգործենք ՀՀ օրենսդրությամբ նախատեսված կարգով։

12. Քաղաքականության փոփոխություններ

Քաղաքականությունը կարող ենք թարմացնել, երբ փոխվում են Հարթակը, տվյալների մշակման եղանակները կամ կիրառելի իրավական պահանջները։

Նոր տարբերակում կնշվեն վերջին թարմացման և ուժի մեջ մտնելու ամսաթվերը։

Էական փոփոխությունների մասին հնարավորության սահմաններում կտեղեկացնենք Հարթակի կամ էլեկտրոնային փոստի միջոցով։

Եթե փոփոխությունը նախատեսում է անձնական տվյալների օգտագործում նախկինում չնշված կամ անհամատեղելի նոր նպատակով, անհրաժեշտության դեպքում կստանանք Ձեր նոր համաձայնությունը։

13. Կապ

Գաղտնիության, տվյալների պատճենի, ուղղման, մշակման դադարեցման կամ ջնջման հարցերով գրեք՝

privacy@academy.sourenstepanyan.com

Անվտանգության միջադեպերի և հնարավոր խոցելիությունների վերաբերյալ գրեք՝

security@academy.sourenstepanyan.com